---
title: "പിണറായി വിജയൻ്റെ ആരോപണം തള്ളി എഡിഎമ്മിൻ്റെ അന്വേഷണ റിപ്പോർട്ട്; 'കാസർകോട് കളക്ട്രേറ്റ് ജീവനക്കാരിയായിരുന്ന ആശാലതയുടെ മരണകാരണം സ്ഥലംമാറ്റമല്ല'"
english_title: "Kasaragod Collectorate Senior Clerk Ashalatha Death ADM Inquiry Report Work Pressure Transfer Not Reason"
publisher: "truevisionnews.com"
canonical_url: "https://truevisionnews.com/news/380402/ kasaragod-collectorate-clerk-ashalatha-death-adm-report-not-work-pressure"
published_at: "2026-08-30T12:06:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6a93cfb906089_kasaragod-collectorate-clerk-ashalatha-death-adm-report-not-work-pressure.jpg"
keywords: ["Ashalatha Death", "Kasargod Suicide Case", "Collectorate Staff Suicide", "Ashalatha Suicide"]
---

# പിണറായി വിജയൻ്റെ ആരോപണം തള്ളി എഡിഎമ്മിൻ്റെ അന്വേഷണ റിപ്പോർട്ട്; 'കാസർകോട് കളക്ട്രേറ്റ് ജീവനക്കാരിയായിരുന്ന ആശാലതയുടെ മരണകാരണം സ്ഥലംമാറ്റമല്ല'

> **Lead Summary:** കാസർകോട്: കാസർകോട് കളക്ടറേറ്റിലെ സീനിയർ ക്ലർക്ക് ആശാലതയുടെ ആത്മഹത്യയിൽ അന്വേഷണം നടത്തിയ എഡിഎം ജില്ലാ കളക്ടർ അർജുൻ പാണ്ഡ്യന് റിപ്പോർട്ട് സമർപ്പിച്ചു. മരണത്തിന് കാരണം ജോലി സമ്മർദ്ദമോ സ്ഥലംമാറ്റമോ അല്ലെന്ന് വ്യക്തമാക്കുന്ന റിപ്പോർട്ട്.

## Article Content

കാസർകോട്: കാസർകോട് കളക്ടറേറ്റിലെ സീനിയർ ക്ലർക്ക് ആശാലതയുടെ ആത്മഹത്യയിൽ അന്വേഷണം നടത്തിയ എഡിഎം ജില്ലാ കളക്ടർ അർജുൻ പാണ്ഡ്യന് റിപ്പോർട്ട് സമർപ്പിച്ചു. മരണത്തിന് കാരണം ജോലി സമ്മർദ്ദമോ സ്ഥലംമാറ്റമോ അല്ലെന്ന് വ്യക്തമാക്കുന്ന റിപ്പോർട്ട്.

കഴിഞ്ഞ അഞ്ച് വർഷമായി ജീവനക്കാരി കടുത്ത നിരാശയിലായിരുന്നുവെന്നും ചൂണ്ടിക്കാണിക്കുന്നു. കളക്ടർക്ക് കൈമാറിയ ഈ അന്വേഷണ റിപ്പോർട്ട് തുടർനടപടികൾക്കായി റവന്യൂ കമ്മീഷണർക്ക് കൈമാറും.

കാസർകോട് കളക്ട്രേറ്റിൽ വെച്ച് ഐസ് ക്രീമിൽ എലിവിഷം ചേർത്ത് കഴിച്ച ആശാലത ചികിത്സയിലിരിക്കെയാണ് മരിച്ചത്. 41 വയസായിരുന്നു. എൻജിഒ യൂണിയൻ ജില്ലാ കൗൺസിൽ അംഗമായിരുന്നു.

ആശാലതയുടേത് അകാരണമായ സ്ഥലം മാറ്റം മൂലമുണ്ടായ ആത്മഹത്യയാണെന്ന് പ്രതിപക്ഷ നേതാവ് പിണറായി വിജയൻ ആരോപിച്ചിരുന്നു. ആശാലത കടുത്ത മാനസിക സമ്മർദ്ദത്തിലായിരുന്നുവെന്നാണ് കുടുംബവും ഭർത്താവ് അജയനും സഹോദരൻ വിജയകുമാറും പറഞ്ഞത്.

റവന്യൂ വിഭാഗത്തിൽ പ്രവർത്തിച്ചിരുന്ന ആശാലതയെ എൻഡോസൾഫാൻ സെല്ലിലേക്കാണ് മാറ്റിയത്. ഈ സ്ഥലംമാറ്റവും ഭരണമാറ്റത്തിന് ശേഷം ഓഫീസിലെ പരിപാടികളിൽ നിന്ന് മാറ്റിനിർത്തിയതും ഇവരെ മാനസിക സമ്മർദ്ദത്തിലാക്കിയെന്നായിരുന്നു ആരോപണം. എന്നാൽ ആരോപണം തള്ളുന്നതാണ് എഡിഎമ്മിൻ്റെ അന്വേഷണ റിപ്പോർട്ട്.

**English Summary:**

The ADM has submitted an inquiry report to Kasaragod District Collector Arjun Pandya regarding the suicide of Senior Clerk Ashalatha (41) at Kasaragod Collectorate. According to the report, the death was not due to work pressure or transfer, but the employee had been in severe distress for the last five years. The report, to be forwarded to the Revenue Commissioner, rejects allegations by opposition leader Pinarayi Vijayan and family that her transfer from Revenue section to Endosulfan Cell and exclusion from office programs after administrative change led to mental stress. Ashalatha, an NGO Union district council member, died during treatment.

### Related Links & Sources
- [Original Story Source](https://truevisionnews.com/news/380402/ kasaragod-collectorate-clerk-ashalatha-death-adm-report-not-work-pressure)